الليل كما اعتدناه لا كما أرادوا أن يعوِّدونا عليه

يُمثل لى الرحبانية أفضل ما جادت به موسيقانا العربية منتصف القرن الماضى، إن لم يكن الحقبة المُعاصرة بأكملها. و قد تفاجأتُ إذ أدركت أن صاحبة الصوت الملائكى الرخيم/ هُدى حداد تحمل فى أوردتها نفس الدماء التى تجرى فى الأم/ فيروز؛ إذ يجمعها بفيروز رباط الأشقاء الذى لا ينجلى. وهى نفس الدماء التى اختلطت ب الرحبانية فزادونا زيادًا. 

كم كانت ستضحو حياتنا أقبح و أظلم من دونِ تلك العائلة!

أحببت هذه الأغنية منذ زمن، و ها أنذا أتذكرها الآن فى ظروف مواتية لكل ما تحمله من معنى يجلُب الشىء الكثير من الشجن، و لا سيّما فى خطابه لليل الذى يطلع على جُل وقتى فى فترة ذات دُجنة من حياتى:

بيني و بينك يا هالليل في حب و غنيي 

على بابي بتقعد يا ليل و منسهر ليلي 

بيني و بينك في أسرار و بتعرف أحزاني 

تبقى إمرقلي عاهاك الدار و قلو ما ينساني 

فيق البيت العتيق غافي

على الطريق و غافي حدو الزمان  

يمكن بكرا الحبيب يمرق

متل الغريب و ما يذكر اللي كان

The 'Magdy' asset

I've come to see the way I work my social/love life is like that of a really risky asset: Risk-averse people will be intimidated of investing in me. On the otherside, the exceptionally high returns I offer make the cool risk-takers dribble, and these are the fun people I want to be around. 

For a while, I was thinking of mitigating the risk I show to the market, but that's imperfect information, because the truth is; I am risky as f**k. 

Instead, I've been rather pumping up the returns I offer, and that's been attracting everyone, even the wussy investors. 

After eight months of confusion, I can conclude this is the optimal strategy..

هل الكفاءة الأكاديمية مؤشر يُعتد به على الذكاء؟

The 'wildest' minds I have had the pleasure of conversing with have usually been people who did very well at school.

فأعتقد آه.

الموضوع ده جه على بالى لعلة فى نفسى

 بس أحب أؤكد يعنى إن مستوى التحصيل الدراسى/الأكاديمى مش بس مؤشر دال على ذكاء البنى الآدم و لكن كمان دال جدًا على قد ايه هو شخص انتليكشوالى مُسلى و تعرف تتكلم معاه كلام ليه معنى و مُمتع فكريًا مش أى هرى.. طبعًا مش كلهم كدة (فى ناس بتجتهد من أجل عائلاتها أو من أجل لقمة العيش و كدة)، بس لو حد روش غالبًا هتلاقيه أكاديميًا سالك

حتى الناس اللى بتتكلم على ان مارك زوكريبرج و بيل جيتس و ناس معدية كتير ما كملوش تعليم، لاحظوا ان الناس ديه اتقبلت أساسًا فى هارفارد و اللى هو فى رأيى و رأي كثيرين أصعب بكتير من أنك تعدى 4 سنين فى هارفارد بعد ما تتقبل و معناه ان الناس ديه كانت بتنور فى المدرسة قبل الجامعة، مش مجرد مستواها كويس دراسيًا

طبعًا كل ديه فرضيات مبنية على احصائيات للناس اللى أنا بس قابلتهم فى حياتى.. فماهياش عينة يُعتد بيها أوى يعنى، بس مش عينة وحشة برضو 

مولانا و فتاة أيلول الأسود

على ذكر حلقة مولانا النهاردة، نتذكر و بخالص الأسى أحداث أيلول الأسود


ديه تقريبًا البنت الوحيدة اللى حكيتلها بالصُدفة عليه و احنا فى أجازة كدة.. لقيتها بعد ما رجعنا بيوم باعتالى تقولى ورينى لينك كدة الراجل ده و بيقول ايه و بتاع.. و بعتلها، لقيت "فيد باك" مُحترم ينُم عن انها اتفرجت بضمير و تعليقات فيها عُمق عن المُحتوى اللى بيقدمه الراجل و بعت لها حلقاتى المفضلة و حاجات كدة.. اللى هو مش بتصطنع الاهتمام عشان تبسطنى.


بعكس مثلًا بنات تبقى خارج معاها تقعد تقول و تحكى عن ازاى دونالد ترامب جميل و الفلسفة الوجودية المهلبية و السيسى رئيسى و اهتماماتك بشكل عام بس بصورة سطحية اللى هو عاوزة تبهرك يعنى و تحسسك انها معاك على الخط عشان تحبها أكتر أو كدة-- و اللى هو مش عيب و حاجة تُحترم و نقدرها بس هو اهتمام مُزيف مش حقيقى و مشكلته انه مع الوقت لما تتعود على وجودك خاصةً لو لبست فيها مش هتبذل المجهود ده بعد كدة لأنك كدة كدة موجود. '_'


و كما قال خير من قال: 

كلامنا بلدي لكن غالي و فيه ثمره .. و الحب بالدم لا بيضا و لا سمرة
و أقعد مع اللي تلاقيلهم في الكلام ثمرة .. و شجرة الورد تطرح كل يوم ثمرة
و خفيفة الدم خدها لو تكون سمرة

و ع الحلو دور! ع  الأصل دور!

#TheLittleThings

بم التعلُل - قراءة عصرية للمُتنبى

One of the worst aspects of my job is keeping me up late at night rendering me vulnerable for all my negative thoughts and CFA's accounting readings :S

So, I dig poetry for consolation:

0>بِمَ التَعَلُّلُ لا أَهلٌ ولا وَطَنُ ولا نَدِيمُ ولا كَأسٌ ولا سَكَنُ

1>أُرِيدُ مِن زَمَنِي ذَا أَن يَبلُغَنِي مَا لَيسَ يَبلُغُهُ مِن نَفسِهِ الزَمَنُ

2>لا تَلقَ دَهرَكَ إلا غَيرَ مُكتَرِث مَا دَامَ يَصحُبُ فِيهِ رُوحَكَ البَدَنُ

3>فَمَا يُدِيمُ سُرُورٌ مَا سُرِرتُ بِهِ ولا يَرُدُّ عَلَيكَ الفَائِتُ الحَزَنُ

4>مِمَّا أَضَرَّ بِأَهلِ العِشقِ أَنَّهُمُ هَوُوا وَمَا عَرِفُوا الدُّنيَا وَمَا فَطِنُوا

5>تَفنَى عُيُونُهُمُ دَمعًا وَأَنفُسُهُم فِي إِثرِ كُلِّ قَبِيحِ وَجهُهُ حَسَنُ

6>تَحَمَّلُوا حَملَتَكُم كُلُّ نَاجِيَة فَكُلُّ بَينٍ عَلَى اليَومِ مُؤتَمَنُ

7>مَا فِي هَوَاجِدُكُم مِن مُهجَتِي عِوَضٌ إِنْ مُتُّ شَوقَاً وَلَا فِيهَا لَهََا ثَمَنُ

8>مَا كُلُّ مَا يَتَمَنَّى المَرءُ يُدرِكُهُ تَجرِي الرِيَاحُ بِمَا لا تَشتَهِي السُفُنُ


-----------------------------------------------------------------
0. البيت الشهير جدًا و اللى اقتبسه شعراء كبار بعد كدة: الراجل مفشوخ فى حياته يا حرام و ما عندوش لا أهل لأنه بعيد عن وطنه و مالوش صاحب يعرف يحكى معاه كدة و ياخد راحته و لا رفقة كاس حلوة (شلة خمورجية لطيفة) و لا سكنُ (من الآخر يعنى واحدة ست). فالحالة كانت زفت يعنى ساعتها.

1. بيقول انه بيطلب من الزمن أنه يديله حاجات الزمن نفسه ما يقدرش يديها لنفسه. طبعًا التفاسير كتير، و لكن تفسيرى المفضل للمتنبى بتاع أبو العلاء بيقول أنه المتنبى يقصد أنه مش عاوز الزمن يتغير و أحوال الناس و مشاعرها تتغير، و لكن الزمن نفسه بطبيعته متقلب ما بين ليل و نهار و شتاء و صيف، فازاى الناس تفضل على حال واحد؟

2.بيخلص فى النهاية إلا إنه ما تشغلش بالك أيًا كان اللى بيحصل فى الدنيا و من الناس طالما انت لسة فيك الروح، غير كدة اتعود على الخوازيق عادى.

3. بيقول ان انبساطك بحاجة حلوة مش شرط انه يديمها عليك و زعلك لفقدانك حاجة كانت بتسعدك مش هيرجعهالك

4.بيقولك انه أهل العشق بيفشخوا نفسهم بقلة خبرتهم و انخداعهم بظواهر الأمور و باللى الناس بتبينه

5. و ده بيقودهم طبعًا لحزن شديد لدرجة البكاء أحيانًا لأنهم بيتغاضوا كتير عن قلة أدب و وساخة قد تصدر من شخص ما عشان شكله حلو حبتين -- 

اللى هو 

don't trust a pretty face

6. بيقول خلاص اللى عاوز يغور يغور ما عادتش تفرق و هو اتعود و الدنيا غداااارة تيرارارارارا

7. بيبرر موقفه ده من الناس بانه خلاص بقى مش عاوز يتعلق بحد و اللى ممكن يعرض روحه لما يشبه الموت بسبب الشوق و كدة و لأنه مش هيلاقى لنفسه قطع غيار لما يفقدها فى علافات من النوع ده ففاكس

8.البيت الشهير الآخر و المفهوم إلا إذا انت كنت ساقط ثانوية عامة، بس عامة ممكن نختصره فى قول الأستاذة إليسا: مش كل اللى بنحبهم هيكونوا لينا و لا كل اللى بنحبهم لايقين علينااااا